កម្មវិធី កម្មសិក្សាការីគ្រប់គ្រង

អ្នកមានសមត្ថភាពលេចធ្លោ

ក្រុមហ៊ុនព្រូដិនសល កម្ពុជាកំពុងស្វែងរកបុគ្គលឆ្នើមហើយមោះមុតនឹងការអភិវឌ្ឍអាជីពការងាររបស់ខ្លួនដើម្បីចូលរួមក្នុងកម្មវិធីកម្មសិក្សាការីគ្រប់គ្រង (Management Trainee) ។​ កម្មវិធីនេះនឹងហ្វឹកហាត់អ្នក តាមរយៈការបំពាក់បំប៉នជំនាញវិជ្ជាជីវៈនិងការបណ្ដុះបណ្ដាលចិត្តគំនិត ឱ្យក្លាយទៅជាបុគ្គលដ៏លេចធ្លោមួយរូប ប្រកបទៅដោយសមត្ថភាពខ្ពស់ក្នុងការបង្កើតស្នាដៃនានាក្នុងអាជីពរបស់ខ្លួន។

អ្នកដឹកនាំជំនាន់ក្រោយ

ដើម្បីឈានទៅសំរេចឱ្យបានបេសកកម្មរបស់ខ្លួនក្នុងការផ្តល់ការការពារហិរញ្ញវត្ថុនិងសិក្សា ជូនគ្រួសារកម្ពុជា យើងជឿថាការស្វែងរក និងការបំពាក់បំប៉នបុគ្គលឆ្នើម អាចនឹងនាំឱ្យយើងបង្កើតបាននូវផលិតផលនិងផ្ដល់សេវាកម្មជូនអតិថិជន និងសហគមន៍របស់យើងកាន់តែប្រសើរឡើង។

កម្មវិធីកម្មសិក្សាការីគ្រប់គ្រងត្រូវបានបង្កើតឡើងសម្រាប់បុគ្គលឆ្នើម ដែលទើបបញ្ចប់ការសិក្សាពីមហាវិទ្យាល័យ ហើយមានឆន្ទៈមោះមុត និងមានសក្ដានុពលក្លាយទៅជាសមាជិកមួយរូបនៃគណៈគ្រប់គ្រង ទោះបីជាបច្ចុប្បន្ន មានឬពុំទាន់មានបទពិសោធន៍ការងារក៏ដោយ។

កម្មវិធីនេះគឺជាកម្មវិធីហាត់ការពេញម៉ោង ដែលនឹងប្រែក្លាយអភិវឌ្ឍអ្នកមានទេពកោសល្យវ័យក្មេងទៅជាអ្នកជំនាញប្រចាំផ្នែកនិងអ្នកដឹកនាំនាពេលអនាគត។ ដោយចុះកម្មសិក្សានៅក្នុងផ្នែកផ្សេងៗនៃក្រុមហ៊ុនព្រូដិនសលដោយផ្ទាល់ កម្មសិក្សាការីនឹងមានឱកាសទទួលបានចំណេះដឹងមូលដ្ឋានស្ដីពីអាជីវកម្មផងពង្រឹងជំនាញភាពជាអ្នកដឹកនាំផង និងអភិវឌ្ឍជំនាញបច្ចេកទេសរ​បស់ខ្លួនផងក្នុងពេលតែមួយ។ អ្នកដែលបញ្ចប់កម្មវិធីនេះដោយជោគជ័យ នឹងត្រូវបានជ្រើសរើសឱ្យធ្វើការជាយុទ្ធសាស្ត្រ ដើម្បីកសាងសមត្ថភាពខ្លួនបន្ថែមដើម្បីឪ្យសមស្របតាមឆន្ទៈរបស់ខ្លួន សំដៅសម្រេចគោលដៅនៃអាជីពរបស់ខ្លួន និងគោលដៅនៃអាជីវកម្មរបស់ក្រុមហ៊ុន។

មាគ៍ារបស់យើង

យើងប្ដេជ្ញាមាំមួនលើការហ្វឹកហាត់ និងផ្ដល់ឱកាសឪ្យកម្មសិក្សាការីបញ្ចេញស្នាដៃ សមស្របតាមមាគ៌ាខាងក្រោម៖

• បោះជំហានឆ្ពោះទៅសម្រេចលទ្ធផលលើសពីការរំពឹងទុកជាទូទៅ ដើម្បីជាការឆ្លុះបញ្ចាំងឪ្យឃើញពីសក្ដានុពលពិតប្រាកដរបស់អ្នក។
• ទទួលបានកញ្ចប់អត្ថប្រយោជន៍ និងកម្មវិធីអភិវឌ្ឍន៏សមត្ថភាព
• ទទួលបានឱកាសល្អៗ ដើម្បីឪ្យអ្នកវាស់ស្ទង់សមត្ថភាពខ្លួនឯង នៅក្នុងព្រូដិនសលកម្ពុជា និងអន្តរជាតិ
• រីកចម្រើននៅលើថ្នាលនៃអាជីពរយៈពេលយូរអង្វែង សក្ដិសមនឹងការប្ដេជ្ញារបស់ក្រុមហ៊ុន
• មានមធ្យោបាយអនុវត្តន៏ផែនការប្រកបដោយភាពច្នៃប្រឌិត ដែលនាំមកនូវលទ្ធផលកាន់តែប្រសើរឡើង
• មានអ្នកបង្វឹកបង្ហាត់ទទួលបន្ទុកអភិវឌ្ឍន៍ផ្នែកជំនាញវិជ្ជាជីវៈ និង/ឬ ផ្នែកបញ្ញាស្មារតី ដោយផ្ទាល់រហូតដល់ចប់កម្មវិធី ។

ការបោះជំហានទៅមាគ៌ាដ៏គួរឪ្យរំភើបរីករាយ

កម្មវិធីនេះមានរយៈពេល ២ ឆ្នាំ ហើយកម្មសិក្សាការីគ្រប់គ្រង នឹងត្រូវឆ្លងកាត់ដំណាក់កាលផ្សេងៗ ដូចខាងក្រោម៖

ក្នុងដំណាក់កាលចុងក្រោយនៃកម្មវិធី កម្មសិក្សាការីគ្រប់គ្រង នឹងត្រូវបានចាត់តាំងឱ្យចួលរូមដឹកនាំ និងអនុវត្តន៏គម្រោងផ្សេងៗរបស់ក្រុមហ៊ុន ។ អំឡុងពេលដ៏មានសារៈសំខាន់នេះនឹងជម្រុញឪ្យកម្មសិក្សាការី ឆ្លុះបញ្ចាំងអំពីសក្ដានុពលរបស់ខ្លួនមុននឹងឈានទៅទទួលមុខនាទីនៅក្នុងផ្នែកដែលបានជ្រើសរើស។​

វិធីសាស្រ្តអភិវឌ្ឍន៍កម្មសិក្សាការីគ្រប់គ្រងរបស់យើង​ ផ្តោតទៅលើការរៀនសូត្រផ្ទាល់ពីការងារ ការបណ្តុះបណ្តាលក្នុងថ្នាក់រៀន និងការបង្ហាត់បង្រៀនផ្ទាល់ពីអ្នកមានបទពិសោធន៍ការងារនៅក្នុងក្រុមហ៊ុន

អ្នកដែលមានសមត្ថភាពសម្រេចលទ្ធផលលើសការរំពឹងទុក 

នរណាគួរដាក់ពាក្យប្រឡងចូលកម្មវិធីនេះ?

យើងកំពុងស្វែងរកបុគ្គលដែលមានលក្ខណៈសម្បត្តិដូចខាងក្រោម៖

• ទើបបញ្ចប់ថ្នាក់បរិញ្ញាប័ត្រ ហើយមានព្រឹត្តប័ត្រពិន្ទុល្អ
• មានបទពិសោធន៍ការងារមិនលើសពីពីរឆ្នាំ
• មានចំណេះដឹងភាសាអង់គ្លេសល្អ ទាំងការសរសេរ និងការនិយាយ
• មានជំនាញខាងផ្នែកទំនាក់ទំនងល្អ
• មានជំនាញក្នុងវិភាគ និងការដោះស្រាយបញ្ហា និងមានភាពជាអ្នកដឹកនាំ
• មានអត្តចរិតល្អ រួមទាំងមានចិត្តចង់រៀនសូត្រនិងរីកចម្រើនទៅមុខ
• មានភាពជឿជាក់ ហ៊ានប្រឈមដោះស្រាយបញ្ហា និងមានសេចក្តីក្លាហានក្នុងការលើកយកគំនិតផ្ដួចផ្ដើមថ្មីៗ
• សកម្មក្នុងការងារផ្សេងៗទៀតក្រៅម៉ោងកម្មវិធី 

តើត្រូវដាក់ពាក្យយ៉ាងដូចម្ដេច?

• ទាញយកពាក្យស្នើសុំដោយចុច ទីនេះ
• ផ្ញើពាក្យស្នើសុំដែលបានបំពេញរួច ព្រមទាំង Curriculum Vitae របស់អ្នកទៅកាន់ អ៊ីម៉ែល [email protected] ឬ យកពាក្យមកដាក់ផ្ទាល់នៅទីស្នាក់ការ  កណ្តាលរបស់ក្រុមហ៊ុនព្រូដិនសលកម្ពុជានៅអគារភ្នំពេញថាវវើរ៍ ជាន់ទី 20
• កាលបរិច្ឆេទឈប់ទទួលពាក្យ ៖ ថ្ងៃទី07 កក្តដា 2017
• យើងនឹងទាក់ទងអ្នកដែលជាប់វគ្គជម្រុះ​ (shortlisted) ប៉ុណ្ណោះ

ព័ត៌មានបន្ថែម៖ 017 555 422/ 098 555 438