សមាគមធានារ៉ាប់រង ការវិនិយោគ និងប្រាក់កម្ចី ព្រូដិនសល ត្រូវបានបង្កើតឡើងនៅទីក្រុងឡុងដ៍ ក្នុងឆ្នាំ ១៨៤៨។ រូបព្រូដិនស៍ ត្រូវបានគេយកធ្វើជានិមិត្តសញ្ញាដែលត្រូវប្រើនៅលើត្រាក្រុមហ៊ុនដំបូង និងដើម្បីតំណាងឱ្យតម្លៃនៃអាជីវកម្ម។ នៅឆ្នាំ ១៨៩៨ ព្រូដិនសល បានក្លាយជាក្រុមហ៊ុនធានារ៉ាប់រងអាយុជីវិតឈានមុខគេនៅចក្រភពអង់គ្លេស ហើយនៅឆ្នាំ ១៩១៤ គ្រួសារនៃជនជាតិអង់គ្លេសមួយ ក្នុងចំណោមបីគ្រួសារ គឺមានបណ្ណសន្យារ៉ាប់រងជាមួយព្រូដិនសល។ ក្នុងអំឡុងទសវត្សរ៍ឆ្នាំ ១៩២០ ព្រូដិនសល បានចាប់ផ្តើមពង្រីកពាសពេញពិភពលោកដោយមានសាខាក្រៅប្រទេសដំបូងបង្អស់ដែលត្រូវបានបង្កើតឡើងនៅប្រទេសឥណ្ឌាក្នុងឆ្នាំ ១៩២៣ ។

អាជីវកម្មអន្ដរជាតិរបស់ព្រូដិនសល បានបន្តរីកចម្រើនយ៉ាងឆាប់រហ័សនៅចុងសតវត្សរ៍ទី ២០ ហើយសាជីវកម្មព្រូដិនសលអាស៊ីត្រូវបានបង្កើតឡើងក្នុងឆ្នាំ ១៩៩៤ ដោយមានការទទួលស្គាល់ពីសក្តានុពលខ្ពស់សម្រាប់ការលូតលាស់នៅអាស៊ី។ ក្នុងរយៈពេលប៉ុន្មានឆ្នាំចុងក្រោយនេះ ព្រូដិនសលបានចូលក្នុងវិស័យធានារ៉ាប់រងអាយុជីវិតនៅអាហ្រ្វិកដែលមានការរីកចម្រើនយ៉ាងឆាប់រហ័ស។

សព្វថ្ងៃនេះ ព្រូដិនសលភីអិលស៊ី ផ្តល់ការធានារ៉ាប់រងអាយុជីវិតនិងសុខភាព និងការគ្រប់គ្រងទ្រព្យសម្បត្តិ ដោយផ្តោតលើតំបន់អាស៊ី និងអាហ្វ្រិក។ យើងជួយឱ្យគ្រប់គ្នាទទួលជីវិតដែលល្អប្រសើរបំផុត តាមរយៈការធ្វើគ្រប់គ្នាមានលទ្ធភាពទទួលបានការថែទាំសុខភាពដែលមានតំលៃសមរម្យ និង តាមរយៈការលើកកម្ពស់បរិយាប័ន្នផ្នែកហិរញ្ញវត្ថុ។ យើងការពារទ្រព្យសម្បត្តិរបស់ប្រជាជន ជួយឱ្យពួកគេបង្កើនទ្រព្យសម្បត្តិ និងជម្រុញការគ្រប់គ្រងលើការសន្សំសម្រាប់គោលដៅរបស់ពួកគេ។