ការបញ្ចុះតម្លៃ៣០% លើបុព្វលាភឆ្នាំទី២បង់ទុកមុន​

តើខ្ញុំត្រូវបង់បុព្វលាភប៉ុន្មានចាប់ពីឆ្នាំទី៣ទៅ?​

បើតាមឧទាហរណ៍ខាងលើ អ្នកតំរូវឲ្យបង់បុព្វលាភប្រចាំឆ្នាំ $១០០០ ចាប់ពីឆ្នាំទី៣តទៅដូចធម្មតា ដើម្បីបន្តសុពលភាពបណ្ណសន្យារ៉ាប់រងរបស់អ្នក។​

តើខ្ញុំអាចស្នើសុំបុព្វលាភឆ្នាំទី២ដែលបានបង់រួចត្រលប់មកវិញបានទេ?​

អ្នកអាចស្នើសុំបុព្វលាភឆ្នាំទី២បង់ទុកជាមុនដែលបានបញ្ចុះតម្លៃត្រឡប់មកវិញ បើឆ្នាំទី២មិនទាន់មកដល់។ ប៉ុន្តែអ្នកនឹងលែងមានសិទ្ធិទទួលការបញ្ចុះតម្លៃទៀតហើយ។ អ្នកតំរូវឲ្យបង់បុព្វលាភឆ្នាំទី២ដែលដល់កំណត់ពេញចំនួនដើម្បីបន្តសុពលភាពបណ្ណសន្យារ៉ាប់រងរបស់អ្នក។​

ចុះបើខ្ញុំលុបចោលបណ្ណសន្យារ៉ាប់រងបន្ទាប់ពីជាវហើយ?​

បើអ្នកលុបចោលបណ្ណសន្យារ៉ាប់រងក្នុងកំឡុងពេល២១ថ្ងៃបន្ទាប់ពីកាលបរិច្ឆេទចេញបណ្ណសន្យារ៉ាប់រង បុព្វលាភដំបូង និង បុព្វលាភឆ្នាំទី២បង់ទុកជាមុនដែលត្រូវបានបញ្ចុះតម្លៃ នឹងត្រូវសងទៅវិញ បន្ទាប់ពីដកចេញថ្លៃពិនិត្យសុខភាព (បើមាន)។​

ចុះបើខ្ញុំបោះបង់បណ្ណសន្យារ៉ាប់រង​(ក្រោយពី២១ថ្ងៃបន្ទាប់ពីកាលបរិច្ឆេទចេញបណ្ណសន្យា) មុនឆ្នាំទីពីរមកដល់?​

បើអ្នកបោះបង់បណ្ណសន្យារ៉ាប់រងរបស់អ្នកមុនឆ្នាំទី២ បុព្វលាភឆ្នាំទី២បង់ទុកជាមុនដែលត្រូវបានបញ្ចុះតំលៃ នឹងត្រូវសងទៅវិញ។ តម្លៃបោះបង់បណ្ណសន្យារ៉ាប់រង (បើមាន) នឹងត្រូវទូទាត់ទៅតាមខ និង​ លក្ខខណ្ឌនៃបណ្ណសន្យារ៉ាប់រង។​

ចុះបើមានការទាមទារសំណងមុនឆ្នាំទី២មកដល់?​

បើសិនមានការទាមទារសំណងនៅឆ្នាំទី១ ហើយ មិនទាន់ដល់ឆ្នាំទី២ បុព្វលាភឆ្នាំទី២បង់ទុកជាមុនដែលបានបញ្ចុះតម្លៃនឹងត្រូវសងទៅវិញ។ ការទាមទារសំណងនឹងត្រូវបានវាយតំលៃ និង ទូទាត់ទៅតាមខ និង​ លក្ខខណ្ឌនៃបណ្ណសន្យារ៉ាប់រង។​

ដំណើរការនៃការចេញបណ្ណសន្យារ៉ាប់រង​

ការចេញបណ្ណសន្យារ៉ាប់រងរបស់អ្នក នឹងត្រូវឆ្លងកាត់ដំណើរការនៃការចេញបណ្ណសន្យារ៉ាប់រងដូចការអនុវត្តន៍ធម្មតា។​

កំណត់សម្គាល់ផ្សេងទៀត​

ខ និង​ លក្ខខណ្ឌផ្សេងៗទៀតនៃបណ្ណសន្យារ៉ាប់រងរបស់ផលិតផលនឹងនៅបន្តអនុវត្តដូចធម្មតា។​