បង្កើនរយៈពេលអនុគ្រោះ
សូមគោរពជូន អតិថិជនទាំងអស់! អតិថិជនជាច្រើនបានប្រាប់មកកាន់យើងខ្ញុំថា វិបត្តិ COVID-19 បានផ្តល់ផលប៉ះពាល់ដល់ផ្នែកហិរញ្ញវត្ថុរបស់លោកអ្នក។ ដូច្នេះ ដើម្បីជាជំនួយទៅកាន់អតិថិជនទាំងអស់ យើងខ្ញុំមានសេចក្តីសោមនស្សរីករាយក្នុងការប្រកាសថា ចាប់ពីថ្ងៃនេះតទៅ យើងខ្ញុំនឹងបង្កើនរយៈពេលអនុគ្រោះ ដែលអនុញ្ញាតឲ្យលោកអ្នកមានពេលបន្ថែមក្នុងការមិនចាំបាច់ទូទាត់បុព្វលាភធានារ៉ាប់រងមកកាន់ក្រុមហ៊ុនពី 30 ថ្ងៃទៅ 60 ថ្ងៃ ដោយពុំមានការប៉ះពាល់ដល់អត្ថប្រយោជន៍ធានារ៉ាប់រងរបស់លោកអ្នកនោះឡើយ។
នេះមានន័យថា បន្ទាប់ពីកាលបរិច្ឆេទដល់កាលកំណត់បង់បុព្វលាភធានារ៉ាប់រង អតិថិជនដែលបានជាវផលិតផលធានារ៉ាប់រងក្នុងចំណោមផលិតផលធានារ៉ាប់រងដែលមានសុពលភាពអនុវត្តសម្រាប់ការផ្តល់ជូននេះ ត្រូវបានអនុញ្ញាតឱ្យមានរយៈពេល 60 ថ្ងៃ (ដែលកាលពីមុនមានត្រឹមតែ 30 ថ្ងៃប៉ុណ្ណោះ) ដើម្បីទូទាត់នូវបុព្វលាភធានារ៉ាប់រងមកាន់ក្រុមហ៊ុន។ ក្នុងអំឡុងពេលនេះ អតិថិជនក៏នៅតែអាចទទួលបានការការពារពេញលេញក្រោមបណ្ណសន្យារ៉ាប់រងរបស់ខ្លួនដដែល។
ផលិតផលធានារ៉ាប់រងដែលមានសុពលភាពអនុវត្តសម្រាប់ការផ្តល់ជូននេះ រួមមានផលិតផល PRUអនាគតកូនខ្ញុំ, PRUទ្រព្យខ្ញុំ, SafeLife, edusave, PRU MyFamily, easylife, កម្ចីមានសុវត្ថិភាព និងផលិតផលធានារ៉ាប់រងបន្ថែមដែលបានជាវភ្ជាប់ជាមួយនឹងផលិតផលធានារ៉ាប់រងខាងលើនេះ។
ប្រសិនបើលោកអ្នកត្រូវការព័ត៌មានបន្ថែម សូមទាក់ទងមកកាន់យើងខ្ញុំតាមរយៈ 023 964 222 ឬ 1800-212223 (ឥតគិតថ្លៃ)។