មិនមានសិទិ្ធទទួលបានសេវាប្រឹក្សាយោបល់វេជ្ចសាស្រ្តទី ២​

​

ក ស្ថានភាពត្រូវការការព្យាបាលបន្ទាន់ ឬ មានគ្រោះថ្នាក់ខ្លាំងដល់ជីវិត​

ខ ការសម្រាកព្យាបាលក្នុងបន្ទាប់សង្រ្គោះបន្ទាន់ ការសន្លប់មិនដឹងខ្លួន   ​

គ ជំងឺធម្មតាដូចជាជំងឺគ្រុនក្តៅ ផ្តាសាយ របួសបន្ទាប់បន្សំ ។ល។​

ឃ ជំងឺ ឬ រោគសញ្ញាដែលមិនមានការធ្វើរោគវិនិច្ឆ័យពីគ្រូពេទ្យជាមុន​

ង ជំងឺ ឬ រោគសញ្ញា​ស្ថិតនៅក្រោមករណីមិនធានានៃបណ្ណសន្យារ៉ាប់រងរបស់ផលិតផល PRUសុខភាពខ្ញុំ៖​

1. ស្ថានភាព ឬ ជំងឺមានពីមុនស្រាប់​

2. ជំងឺ ឬ រោគសញ្ញាកើតឡើងក្នុងរយៈពេលរង់ចាំ​

3. ការព្យាបាលទៅលេីភាពមិនប្រក្រតីពីកំណេីត​

4. ការមានគភ៌ ឬ ផលវិបាកនៃការមានគភ៌ ក្រៅពីស្ថានភាពជាក់លាក់ដែលត្រូវបានធានារ៉ាប់រង​

5. ការព្យាបាលទៅលេីអសមត្ថភាពផ្លូវភេទ ឬ ការគ្មានកូន​

6. ការព្យាបាលបែបឯកជន ជំងឺអេដស៍ ឬ មេរោគ HIV ជំងឺទាក់ទងនឹងជំងឺអេដស៍ និងជំងឺឆ្លងណាមួយដែលតម្រូវដោយច្បាប់ឲ្យនៅដាច់ពីគេ​

7. ជំងឺវិកលចរិក ជំងឺផ្លូវចិត្ត ឬ ជំងឺខ្លាច​

8. ការរងរបួសដែលមកពីការចូលរួមសកម្មភាពដែលប្រឈមនឹងគ្រោះថ្នាក់​

9. ការប៉ុនប៉ងធ្វេីអត្តឃាត ការធ្វេីអត្តឃាត ឬ ធ្វេីឲ្យរបួសខ្លួនឯង​

10. ការប្រព្រឹត្ត ឬ ការប៉ុនប៉ងប្រព្រឹត្តនូវបទល្មេីសព្រហ្មទណ្ឌ​

11. ការព្យាបាលពីអ្នកអនុវត្តវេជ្ជសាស្ត្រដែលជាសាច់ញាតិ​

12. សង្គ្រាម ការរំលោភបំពាន ការបំលែងកាំរស្មី ភេរវកម្ម​

13. ការព្យាបាលដែលមិនមានភាពចាំបាច់ផ្នែកវេជ្ជសាស្ត្រ (រួមបញ្ចូលការពិនិត្យកាយសម្បទាជាប្រចាំ ការព្យាបាលទាក់ទងនឹងការគ្មានកូន ការវះកាត់កែសម្ផស្ស ការព្យាបាលមាត់ធ្មេញ ការចាក់ប្រព័ន្ធភាពស៊ាំ ជាដេីម)​

14. ការធ្វេីដំណេីរតាមផ្លូវអាកាសជាលក្ខណៈឯកជន ដែលមិនមែនជាអ្នកដំណេីរដែលត្រូវបង់ប្រាក់ថ្លៃធ្វេីដំណេីរ​

 ​

សូមអានឯកសារបណ្ណសន្យារ៉ាប់រងសម្រាប់ព័ត៌មានលម្អិតចំពោះករណីមិនធានា។​

អ្វីជាសេវាប្រឹក្សាយោបល់វេជ្ចសាស្រ្តទី ២?​

​

សេវាប្រឹក្សាយោបល់វេជ្ចសាស្រ្តទី ២  ជាសេវាឥតគិតថ្លៃ ដែលក្រុមហ៊ុនព្រូដិនសលបានផ្តល់ជូនដល់អតិថិជន PRUសុខភាពខ្ញុំ។  ក្រុមហ៊ុនព្រូដិនសល បានសហការជាមួយ Across Asia Assist (AAA)  ដែលជាធ្វើការជាមួយមជ្ឈមណ្ឌលវេជ្ជសាស្រ្ត និង ពេទ្យជំនាញដែលមានកេរ្តិ៍ឈ្មោះល្បីនៅលើពិភពលោក។ ​

​

ក្រោមសេវាកម្មនេះ របាយការណ៍រោគវិនិច្ឆ័យ និង វិធីព្យាបាល របស់គ្រូពេទ្យមុននឹងត្រូវត្រួតពិនិត្យឡើងវិញដោយ មជ្ឈមណ្ឌលវេជ្ជសាស្រ្ត និង គ្រូពេទ្យប្រកបដោយជំនាញ និង មានកេរ្តិ៍ឈ្មោះ។​

តើអ្នកណាមានសិទិ្ធអាចទទួលបានសេវាប្រឹក្សាយោបល់វេជ្ចសាស្រ្តទី ២?​

​

អ្នកត្រូវបានធានារ៉ាប់រងក្រោមបណ្ណសន្យារ៉ាប់រង PRUសុខភាពខ្ញុំ ដែលកំពុងមានសុពលភាពនូវគម្រោងណាមួយក៏បាន ហើយស្ថានភាពជំងឺ ឬ ការធ្វើរោគវិនិច្ឆ័យមិនត្រូវនៅក្នុងករណីលើកលែងដូចដែលបានបញ្ជាក់នៅខាងក្រោមនោះឡើយ។​

តើគ្រូពេទ្យគឺជាអ្នកណា?​

គ្រូពេទ្យជំនាញនៅសហរដ្ឋអាមេរិក ដែលបានចុះបញ្ចី និង មានអាជ្ញាប័ណ្ណត្រឹមត្រូវ ជាអ្នកដែលនឹងត្រួតពិនិត្យរបាយការណ៍វេជ្ជសាស្រ្តរបស់អ្នក។​

តើរបាយការណ៍វេជ្ចសាស្រ្តទី ២ នឹងផ្តល់ជូននៅពេលណា?​

ក្នុងរយៈពេល 10 ថ្ងៃនៃថ្ងៃធ្វើការ បន្ទាប់ពីកំណត់ត្រាវេជ្ជសាស្រ្តចាំបាច់ទាំងអស់ត្រូវបានទទួលពីអតិថិជន។​

តើអ្នកអាចស្នើសុំសេវាប្រកឹ្សាយោបល់វេជ្ចសាស្រ្តទី ២​ បានប៉ុន្មានដង?​

អ្នកត្រូវបានធានារ៉ាប់រងអាចស្នើសុំសេវាប្រកឹ្សាយោបល់វេជ្ចសាស្រ្តទី ២​ បានតែម្តងប៉ុណ្ណោះសម្រាប់ស្ថានភាពជំងឺមួយ ប៉ុន្តែអាចស្នើសុំសេវាប្រកឹ្សាយោបល់វេជ្ចសាស្រ្តទី ២​ សម្រាប់ស្ថានភាពជំងឺផ្សេងទៀត។​

តើអ្នកត្រូវផ្តល់អ្វីខ្លះ ដើម្បីទទួលបានសេវាប្រឹក្សាយោបល់វេជ្ជសាស្រ្តទី ២?​

​

វាមានចាំបាច់ណាស់សម្រាប់អ្នក ក្នុងការរៀបចំឯកសារពាក់ពន្ធ័ទាំងអស់ដែលបានពីការពិគ្រោះយោបល់ ជាមួយអ្នកប្រឹក្សា ឬគ្រូពេទ្យព្យាបាល។ ទាំងនេះរួមមានរបាយការណ៍វះកាត់ របាយការណ៍ធ្វើកោសល្យវិច័យ និងច្បាប់ចម្លងនៃលិខិតចេញពីពេទ្យ។​ ចំនុចទីពីរ គឺសុំឱ្យអ្នកប្រឹក្សាយោបល់ ឬគ្រូពេទ្យព្យាបាលរបស់អ្នក សរសេរផែនការព្យាបាលរបស់ពួកគេបានរៀបចំសម្រាប់អ្នក។ ​

វាជាទំនួលខុសត្រូវរបស់អ្នកក្នុងការប្រមូលកំណត់ត្រាវេជ្ជសាស្រ្តរបស់អ្នក។ AAA នឹងធ្វើការជាមួយអ្នកដើម្បីប្រមូលកំណត់ត្រាវេជ្ជសាស្រ្តដែលពាក់ព័ន្ធ ហើយបញ្ជូនឯកសារទៅកាន់អ្នកឯកទេស។​

ការប្រឹក្សាយោបល់តាមទូរស័ព្ទ​

បន្ទាប់ពីរបាយការណ៍វេជ្ចសាស្រ្តទី ២ បានផ្តល់ជូន អតិថិជនអាចស្នើសុំធ្វើការប្រឹក្សាយោបល់តាមទូរស័ព្ទចំនួន ១ ដង ដើម្បីកាន់តែយល់ច្បាស់ពីរបាយការណ៍វេជ្ចសាស្រ្ត។ អតិថិជនអាចធ្វើការប្រឹក្សាយោបល់តាមទូរស័ព្ទលើសពី ១ ដង តែរាល់ការចំណាយត្រូវជាបន្ទុករបស់អតិថិជនផ្ទាល់។​

តើអ្នកគួរតែធ្វើអ្វី បន្ទាប់ពីទទួលបានរបាយការណ៍វេជ្ចសាស្រ្តទី ២?​

​

អ្នកអាចពិភាក្សាអំពីរបាយការណ៍ដែលអ្នកទទួលបាន ជាមួយគ្រូពេទ្យព្យាបាលរបស់អ្នក។ ព័ត៌មានដែលមាននៅក្នុងរបាយការណ៍អាចជួយស្វែងរកការធ្វើរោគវិនិច្ឆ័យនិង/ឬផែនការព្យាបាលថ្មី។ សំខាន់ជាងនេះ វាអាចផ្តល់នូវសន្តិភាពផ្លូវចិត្តដល់អ្នក និងក្រុមគ្រួសាររបស់អ្នក។​

ចុះបើរបាយការណ៍វេជ្ចសាស្រ្តទី ២ ខុសពីការធ្វើរោគវិនិច្ឆ័យ និងការព្យាបាលដើម?​

​

អ្នកគួរតែពិភាក្សាលទ្ធផលនៃរបាយការណ៍ ជាមួយគ្រូពេទ្យរបស់អ្នក។ ក្នុងករណីខ្លះ អ្នកអាចជ្រើសរើសការប្រឹក្សាយោបល់វេជ្ជសាស្រ្ត ពីអ្នកឯកទេសផ្សេង ដើម្បីទទួលបានវិនិច្ឆ័យកាន់តែច្បាស់។ ទោះជាយ៉ាងណាក៏ដោយ ចំណាយលើសេវាប្រឹក្សាយោបល់វេជ្ជសាស្រ្តផ្សេងទៀត គឺជាបន្ទុករបស់អតិថិជនផ្ទាល់ ដោយសារលោកអ្នកអាចទទួលបានសេវាប្រឹក្សាយោបល់វេជ្ជសាស្រ្តទី ២ បានតែមួយប៉ុណ្ណោះក្នុងមួយករណី។​

តើការព្យាបាលដែលណែនាំនៅក្នុងរបាយការណ៍វេជ្ចសាស្រ្តទី ២  ស្ថិតក្រោមការចំណាយរបស់កញ្ចប់ធានារ៉ាប់រងដែរឬទេ?​

មិនមែនរាល់សេវាកម្ម ការព្យាបាល និងការថែទាំទាំងអស់ដែលត្រូវបានណែនាំនៅក្នុងរបាយការណ៍វេជ្ចសាស្រ្តទី ២  ត្រូវបានរ៉ាប់រងក្រោមបណ្ណសន្យារ៉ាប់រងរបស់អ្នកនោះទេ។ អ្នកចាំបាច់គួរតែអាន និងស្វែងយល់ពីករណីមិនធានានៅក្នុងកញ្ចប់បណ្ណសន្យារ៉ាប់រងរបស់អ្នក។ សេវាប្រឹក្សាយោបល់វេជ្ចសាស្រ្តទី ២ គឺជាសេវាកម្មប្រឹក្សាយោបល់តែប៉ុណ្ណោះ មិ​នមានការចេញថ្លៃព្យាបាលលើគម្រោងព្យាបាលនោះទេ។​

ការរក្សាព័ត៌មានអតិថិជន​

រាល់ការឆ្លើយឆ្លងរបស់អ្នកជាមួយក្រុមហ៊ុនព្រូដិនសល និង AAA នឹងត្រូវបានរក្សាយ៉ាងសម្ងាត់។ យើងខ្ញុំ និង AAA នឹងប្រកាន់ខ្ជាប់នូវច្បាប់ការពារទិន្នន័យក្នុងការគ្រប់គ្រងកំណត់ត្រាវេជ្ជសាស្រ្ត និងព័ត៌មានលម្អិតរបស់លោកអ្នក។​

ចុះបើអ្នកត្រួវការបាយការណ៍វេជ្ចសាស្រ្តទី ២ ជាបន្ទាន់?​

​

សេវាប្រឹក្សាយោបល់វេជ្ជសាស្រ្តទី ២ នេះមិនត្រូវបានបង្កើតទ្បើយដើម្បីដោះស្រាយផ្នែកសង្គ្រោះបន្ទាន់ ឬផ្តល់ការណែនាំលើការព្យាបាលភ្លាមៗនោះទេ។ សម្រាប់ការផ្ដល់ព័ត៌មានត្រលប់មកវិញលើសេវាកម្មនេះ អាចមានរយៈពេល 10 ថ្ងៃនៃថ្ងៃធ្វើការបន្ទាប់ពីទទួលបានរបាយការណ៏ចាំបាច់ទាំងអស់។ សូមកុំពឹងផ្អែកលើ ការប្រឹក្សាយោបល់វេជ្ជសាស្រ្តទី ២ ប្រសិនបើអ្នកត្រូវការធ្វើការសម្រេចចិត្តលើការព្យាបាលបន្ទាន់។​