សារព័ត៌មាន

ក្រុមហ៊ុន ព្រូដិនសលកម្ពុជា អង្គការភ្លែនអន្តរជាតិ រៀបចំគម្រោង “សាលារៀនសុវត្ថិភាព” ទប់ទល់ផលវិបាកពីគ្រោះធម្មជាតិនៅសាលាជនបទ

ខេត្តស្ទឹងត្រែង៖ ការទប់ស្កាត់គ្រោះធម្មជាតិ និងគ្រោះមហន្តរាយមិនឲ្យរារាំងការសិក្សា និងគ្រោះថ្នាក់ដល់ជីវិតរបស់កុមារ គឺជាគោលដៅនៃកិច្ចផ្តួចផ្តើមថ្មីមួយ ដោយអង្គការ ភ្លែនអន្តរជាតិកម្ពុជា មូលនិធិសិទ្ធិកុមារ និងមូលនិធិព្រូដិនស៍ ដែលជាមូលនិធិមនុស្សធម៌នៃក្រុមហ៊ុនធានារ៉ាប់រងអាយុជីវិត ព្រូដិនសល (ខេមបូឌា) ឡាយហ្វ៍ អឹសួរ៉ិនស៍ ភីអិលស៊ី ដែលបានសម្ពោធជាផ្លូវការនៅខេត្តស្ទឹងត្រែង កាលពីថ្ងៃព្រហស្បតិ៍កន្លងទៅ ។

 

cha-ching (5)

លោក Jan Jaap Kleinrensink នាយកប្រចាំប្រទេសអង្គការ ភ្លែនអន្ដរជាតិកម្ពុជា បាននិយាយថា គម្រោង “សាលារៀនសុវត្ថិភាព” នេះ ជាដំបូងឡើងនឹងត្រូវអនុវត្តនៅក្នុងសាលារៀនចំនួន ១៥ ក្នុងឃុំចំនួនបួន ដែលមានហានិភ័យខ្ពស់នៃគ្រោះទឹកជំនន់ក្នុងរដូវវស្សា សំដៅបង្កើនសុវត្ថិភាពកុមារនៅពេលមានគ្រោះធម្មជាតិ និងជួយឲ្យពួកគាត់អាចត្រឡប់ទៅសាលារៀនវិញបានឆាប់រហ័ស ។ កម្មវិធីនេះ ស្ថិតក្រោមកិច្ចផ្តួចផ្តើម “សាលារៀនសុវត្ថិភាព” របស់អាស៊ាន ដែលជាផ្នែកនៃកិច្ចព្រមព្រៀងអាស៊ានស្តីពីការគ្រប់គ្រងគ្រោះមហន្តរាយ និងការឆ្លើយតបសង្គ្រោះបន្ទាន់ (AADMER) ។

លោកបានបន្ថែមថា “គ្រោះទឹកជំនន់ក្នុងរដូវវស្សា គឺជាបញ្ហាដែលតំបន់មួយចំនួនក្នុងប្រទេសកម្ពុជា តែងជួបប្រទះជាប្រចាំ ។ បញ្ហាគឺថា ទឹកជំនន់ជន់ជោរលឿន ប៉ុន្តែស្រកទៅវិញយឺត ដែលអាចបង្កគ្រោះថ្នាក់ដល់អាយុជីវិត និងបង្អាក់ការងាររបស់សហគមន៍ និងសាលារៀន យ៉ាងយូរទៀតផង ។”

“បញ្ហានេះ គឺប៉ះពាល់ជាពិសេសដល់កុមារី ព្រោះជាញឹកញាប់ហេដ្ឋារចនាសម្ព័ន្ធអនាម័យ ដូចជា បង្គន់ជាដើម គឺជារឿងក្រោយគេដែល ត្រូវបានជួសជុលឲ្យដូចដើមវិញ ។ ក្មេងប្រុសមិនពិបាកដោះស្រាយទេចំពោះបញ្ហានេះ ប៉ុន្តែក្មេងស្រីមិនអាចរកកន្លែងបត់ដៃបត់ជើង ងាយដូចក្មេងប្រុសឡើយ ។ ដូច្នេះ ពួកគាត់ច្រើនតែបន្តនៅផ្ទះមិនត្រឡប់ទៅសាលាវិញយូរជាងក្មេងប្រុស ហើយដល់សម្រាកពីសាលា យូរៗទៅ ក្មេងស្រីជាច្រើនក៏បោះបង់ការសិក្សាតែម្តង ។ កម្មវិធីនេះសំដៅព្យាយាមធានាថា សាលារៀនមានការត្រៀមខ្លួនរួចរាល់ដើម្បី ផ្តល់សន្តិសុខដល់កុមារក្រោយមានគ្រោះធម្មជាតិ និងជួយឲ្យកុមារអាចឆាប់ត្រឡប់ទៅរៀនវិញបានជាធម្មតា ។”

អង្គការភ្លែនអន្តរជាតិ បាននឹងកំពុងបំពេញការងារនៅក្នុងប្រទេសកម្ពុជាតាំងពីឆ្នាំ ២០០២ មក ដោយព្យាយាមផ្តល់ឲ្យកុមារកម្ពុជា នូវលទ្ធភាពទទួលបានការអប់រំ ការលើកកម្ពស់សុខភាព ការរកប្រាក់ចំណូលប្រកបដោយនិរន្តរភាព និងការការពារ ។ ជាមួយនឹង ការផ្តោតលើការត្រៀមខ្លួនចំពោះគ្រោះមហន្តរាយ និងការស្តារឡើងវិញ គម្រោង “សាលារៀនសុវត្ថិភាព” ឆ្លុះបញ្ចាំងពី ការប្តេជ្ញាចិត្តរបស់ មូលនិធិព្រូដិនស៍ និងក្រុមហ៊ុន ព្រូដិនសលកម្ពុជា ក្នុងការបណ្តុះបណ្តាល និងផ្តល់សិទ្ធអំណាចដល់កុមារ និងលោកគ្រូ-អ្នកគ្រូ ដើម្បីជួយឲ្យពួកគាត់អាចទប់ទល់ទៅនឹងបញ្ហាគ្រោះធម្មជាតិ ដែលអាចកើតមានឡើង ។ លោក Justin Chang ប្រធានគ្រប់គ្រងកម្មវិធីប្រចាំតំបន់ នៃមូលនិធិព្រូដិនស៍ បានថ្លែងដូច្នេះថា “តួនាទីរបស់ក្រុមហ៊ុនធានារ៉ាប់រងអាយុជីវិត គឺផ្តល់ជូនបុគ្គល និងក្រុមគ្រួសារនូវសន្តិសុខ ការការពារ និងការកាត់បន្ថយហានិភ័យ ហើយយើងមានមោទនភាពណាស់ចំពោះភាពជោគជ័យរបស់ ក្រុមហ៊ុន ព្រូដិនសលកម្ពុជា នៅក្នុងកិច្ចការងារនេះ ។ ដូច្នេះហើយ វាសក្តិសមបំផុតដែលមូលនិធិព្រូដិនស៍ ផ្តោតការយកចិត្តទុកដាក់ លើកម្មវិធី ដូចជា កម្មវិធី “សាលារៀនសុវត្ថិភាព” នេះ ដែលសំដៅជួយរៀបចំសាលា និងអប់រំកុមារអំពីហានិភ័យពាក់ព័ន្ធនឹង គ្រោះធម្មជាតិ ដែលពួកគាត់អាចជួបប្រទះ ។” លោកបានបន្ថែមទៀតថា “គ្រោះទឹកជំនន់ គឺជាគ្រោះធម្មជាតិមួយដែលកើតមានឡើង ជាញឹកញាប់នៅតំបន់មួយចំនួនក្នុងប្រទេសកម្ពុជា ហើយនៅមានកិច្ចការច្រើនណាស់ដែលយើងអាចធ្វើបានដើម្បីទប់ស្កាត់ ការបាត់បង់ជីវិត និងធានាថា សហគមន៍ សាលារៀន និងកុមារមានភាពត្រៀមខ្លួនល្អប្រសើរ ក្នុងករណីមានគ្រោះបែបនេះកើតឡើង ។” “ហើយមិនមែនតែគ្រោះទឹកជំនន់មួយមុខទេ ដែលជាបញ្ហា ។ ខ្យល់ព្យុះ ខ្យល់កន្ត្រាក់ និងបាតុភូតរន្ទះបាញ់ ជាដើម សុទ្ធសឹងជាការ គំរាមកំហែងដល់អាយុជីវិតកុមារ ហើយរាល់បញ្ហាទាំងអស់នេះនឹងត្រូវព្យាយាមដោះស្រាយដោយកម្មវិធីនេះ ។ កុមារគឺជាអនាគត របស់យើង ដូច្នេះការជួយឲ្យពួកគាត់រស់នៅដោយសុវត្ថិភាព និងមានសុខភាពល្អ គឺជាកត្តាសំខាន់សម្រាប់ការអភិវឌ្ឍរយៈពេលវែង នៅក្នុងប្រទេសកម្ពុជា ។ ហេតុនេះហើយ ទើបយើងរីករាយនឹងចាប់ដៃគូជាមួយដៃគូរបស់យើងក្នុងកិច្ចផ្តួចផ្តើមដ៏សំខាន់នេះ ។” នៅក្នុងគម្រោងនេះផងដែរ នឹងមានការចូលរួមអនុវត្តសកម្មភាពដោយ អង្គការមូលនិធិសិទ្ធិកុមារ (ម.ស.ក) ។ អង្គការនេះត្រូវបានបង្កើតឡើងដោយស្ថាបនិកជាជនជាតិខ្មែរបួនរូប កាលពីឆ្នាំ២០០០ និងមានអាណត្តិការងារសម្រាប់ការអនុវត្ត ពេញលេញនៃអនុសញ្ញាអង្គការសហប្រជាជាតិស្តីពីសិទ្ធិកុមារ រួមបញ្ចូលទាំងសិទ្ធិទទួលបានសុខភាពល្អ និងសេវាសុខភាព និងសិទ្ធិទទួលបានការអប់រំប្រកបដោយគុណភាព ។ គម្រោងនេះនឹងប្រែក្លាយគណៈកម្មការទ្រទ្រង់សាលាចំនួន១៥ ក្នុងទីតាំង ដែលបានជ្រើសរើស ឲ្យក្លាយទៅជា គណៈកម្មការគ្រប់គ្រងគ្រោះមហន្តរាយសាលា ។ បន្ទាប់មក គណៈកម្មការទាំងនេះនឹង ទទួលបានការ គាំទ្រក្នុងការងារវាយតម្លៃគ្រោះថ្នាក់ ភាពងាយរងគ្រោះ និងសមត្ថភាព ក៏ដូចជាធ្វើការជិតស្និទ្ធជាមួយក្រុមប្រឹក្សាកុមារ ដើម្បីអភិវឌ្ឍផែនការគ្រប់គ្រងគ្រោះមហន្តរាយសម្រាប់សាលានីមួយៗយកទៅអនុវត្ត ដើម្បីកាត់បន្ថយហានិភ័យ និងបង្កើនសុវត្ថិភាព នៅពេលមានគ្រោះធម្មជាតិ ។

គណៈកម្មការទាំងនេះ នឹងសហការជិតស្និទ្ធជាមួយគណៈកម្មាធិគ្រប់គ្រងគ្រោះមហន្តរាយថ្នាក់ឃុំ ដែលត្រូវបានបង្កើតឡើងដោយរាជរដ្ឋាភិបាលសម្រាប់ដឹកនាំកិច្ចការដោះស្រាយបញ្ហាគ្រោះមហន្តរាយនៅថ្នាក់ឃុំ។

សាលារៀនទាំង១៥ ដែលត្រូវបានជ្រើសរើសសម្រាប់គម្រោងនេះ ស្ថិតនៅក្នុងឃុំអូររៃ អូរស្វាយ ថាឡាបរិវ៉ាត់ និងឃុំព្រះរំអែល។

កម្ពុជាត្រូវបានគេចាត់ទុកជាប្រទេសមួយដែលងាយរងគ្រោះធម្មជាតិថ្នាក់ច្រើនបំផុត នៅតំបន់អាស៊ីអាគ្នេយ៍ ដោយគ្រោះទឹកជំនន់គឺថាជាហានិភ័យយ៉ាងជាក់ស្តែងមួយ ជាពិសេសនៅតាមបណ្តោយបឹងទន្លេសាប និងទន្លេមេគង្គ។

នៅក្នុងត្រីមាសចុងក្រោយនៃឆ្នាំ២០១១ និងឆ្នាំ២០១៣ បាតុភូតព្យុះទីហ្វុង បូកផ្សំនិងភ្លៀងធ្លាក់ខ្លាំង បណ្តាលឱ្យមានទឹកជំនន់យ៉ាងធ្ងន់ធ្ងរនៅទូទាំងប្រទេស ។ បញ្ហាបម្រែបម្រួលអាកាសធាតុ សំណឹកដីបណ្តាលដោយការកាប់បំផ្លាញព្រៃឈើ និងកង្វះខាតប្រព័ន្ធធារាសាស្ដ្រ និងវិធានការអភិរក្សទឹក ធ្វើឲ្យគ្រោះទឹកជំនន់កើតឡើងកាន់តែច្រើនជាញឹកញាប់ និងធ្ងន់ធ្ងរឡើង ។

ខេត្តស្ទឹងត្រែងមានប្រជាជនប្រមាណ ១៣ម៉ឺន៥ពាន់នាក់ រស់នៅក្នុងគ្រួសារចំនួន ២ម៉ឺន៩ពាន់គ្រួសារ ។ ខេត្តនេះមានស្រុក សៀមបូក សៀមប៉ាង សេសាន ថាឡាបរិវ៉ាត់ និងស្រុកស្ទឹងត្រែង ដោយស្រុក និងទីរួមខេត្តស្ទឹងត្រែង មានទីតាំងនៅជាប់ដងទន្លេមេគង្គតែម្តង ។

ជាមួយនឹងការផ្តោតលើការត្រៀមខ្លួនចំពោះគ្រោះមហន្តរាយ និងការស្តារឡើងវិញ គម្រោង “សាលារៀនសុវត្ថិភាព” ឆ្លុះបញ្ចាំងពីការប្តេជ្ញាចិត្តរបស់ មូលនិធិព្រូដិនស៍ និងក្រុមហ៊ុន ព្រូដិនសលកម្ពុជា ក្នុងការបណ្តុះបណ្តាល និងផ្តល់សិទ្ធអំណាចដល់កុមារ និងលោកគ្រូ-អ្នកគ្រូ ដើម្បីជួយឲ្យពួកគាត់អាចទប់ទល់ទៅនឹងបញ្ហាគ្រោះធម្មជាតិ ដែលអាចកើតមានឡើង ។

លោក Justin Chang ប្រធានគ្រប់គ្រងកម្មវិធីប្រចាំតំបន់ នៃមូលនិធិព្រូដិនស៍ បានថ្លែងដូច្នេះថា “តួនាទីរបស់ក្រុមហ៊ុនធានារ៉ាប់រងអាយុជីវិត គឺផ្តល់ជូនបុគ្គល និងក្រុមគ្រួសារនូវសន្តិសុខ ការការពារ និងការកាត់បន្ថយហានិភ័យ ហើយយើងមានមោទនភាពណាស់ចំពោះភាពជោគជ័យរបស់ក្រុមហ៊ុន ព្រូដិនសលកម្ពុជា នៅក្នុងកិច្ចការងារនេះ ។ ដូច្នេះហើយ វាសក្តិសមបំផុតដែលមូលនិធិព្រូដិនស៍ ផ្តោតការយកចិត្តទុកដាក់លើកម្មវិធី ដូចជា កម្មវិធី “សាលារៀនសុវត្ថិភាព” នេះ ដែលសំដៅជួយរៀបចំសាលា និងអប់រំកុមារអំពីហានិភ័យពាក់ព័ន្ធនឹងគ្រោះធម្មជាតិ ដែលពួកគាត់អាចជួបប្រទះ ។”

លោកបានបន្ថែមទៀតថា “គ្រោះទឹកជំនន់ គឺជាគ្រោះធម្មជាតិមួយដែលកើតមានឡើងជាញឹកញាប់នៅតំបន់មួយចំនួនក្នុងប្រទេសកម្ពុជា ហើយនៅមានកិច្ចការច្រើនណាស់ដែលយើងអាចធ្វើបានដើម្បីទប់ស្កាត់ការបាត់បង់ជីវិត និងធានាថា សហគមន៍ សាលារៀន និងកុមារមានភាពត្រៀមខ្លួនល្អប្រសើរ ក្នុងករណីមានគ្រោះបែបនេះកើតឡើង ។”

“ហើយមិនមែនតែគ្រោះទឹកជំនន់មួយមុខទេ ដែលជាបញ្ហា ។ ខ្យល់ព្យុះ ខ្យល់កន្ត្រាក់ និងបាតុភូតរន្ទះបាញ់ ជាដើម សុទ្ធសឹងជាការគំរាមកំហែងដល់អាយុជីវិតកុមារ ហើយរាល់បញ្ហាទាំងអស់នេះនឹងត្រូវព្យាយាមដោះស្រាយដោយកម្មវិធីនេះ ។ កុមារគឺជាអនាគតរបស់យើង ដូច្នេះការជួយឲ្យពួកគាត់រស់នៅដោយសុវត្ថិភាព និងមានសុខភាពល្អ គឺជាកត្តាសំខាន់សម្រាប់ការអភិវឌ្ឍរយៈពេលវែង នៅក្នុងប្រទេសកម្ពុជា ។ ហេតុនេះហើយ ទើបយើងរីករាយនឹងចាប់ដៃគូជាមួយដៃគូរបស់យើងក្នុងកិច្ចផ្តួចផ្តើមដ៏សំខាន់នេះ ។”

នៅក្នុងគម្រោងនេះផងដែរ នឹងមានការចូលរួមអនុវត្តសកម្មភាពដោយ អង្គការមូលនិធិសិទ្ធិកុមារ (ម.ស.ក) ។ អង្គការនេះត្រូវបានបង្កើតឡើងដោយស្ថាបនិកជាជនជាតិខ្មែរបួនរូប កាលពីឆ្នាំ២០០០ និងមានអាណត្តិការងារសម្រាប់ការអនុវត្តពេញលេញនៃអនុសញ្ញាអង្គការសហប្រជាជាតិស្តីពីសិទ្ធិកុមារ រួមបញ្ចូលទាំងសិទ្ធិទទួលបានសុខភាពល្អ និងសេវាសុខភាព និងសិទ្ធិទទួលបានការអប់រំប្រកបដោយគុណភាព ។

អំពី មូលនិធិព្រូដិនស៏ មូលនិធិព្រូដិនស៍ គឺជាមូលនិធិមនុស្សធម៌នៃក្រុមហ៊ុនព្រូដិនសល នៅតំបន់អាស៊ី និងត្រូវបានចុះបញ្ជីជាស្ថាប័នមនុស្សធម៌នៅទីក្រុងហុងកុង ។ បេសកកម្មរបស់មូលនិធិនេះ គឺដើម្បីចូលរួមចំណែកជាវិជ្ជមានក្នុងសង្គមនៅក្នុងប្រទេសក្នុងតំបន់អាស៊ី តាមរយៈកិច្ចផ្តួចផ្តើមដែលមាននិរន្តរភាព ដោយផ្តោតលើសសរស្តម្ភចំនួនបី គឺកុមារ ការអប់រំ និងការត្រៀមខ្លួនចំពោះគ្រោះមហន្តរាយ និងការស្តារឡើងវិញ ។ ក្រោមសសរស្តម្ភនីមួយៗ មូលនិធិព្រូដិនស៍ រៀបចំកម្មវិធីសំខាន់ៗ ក៏ដូចជារៀបចំកម្មវិធីក្នុងស្រុក ដោយសហការជាមួយអង្គការមិនមែនរដ្ឋាភិបាល និងស្ថាប័នរដ្ឋាភិបាល ដើម្បីធានាប្រសិទ្ធភាពនៃការអនុវត្តរបស់ខ្លួន ។ មូលនិធិនេះ ជាការឆ្លុះបញ្ចាំងអំពីការប្តេជ្ញាចិត្តឥតងាករេ និងយូរអង្វែង របស់ក្រុមហ៊ុនព្រូដិនសល និងសមាជិករបស់ខ្លួន នៅក្នុងតំបន់អាស៊ី សំដៅផ្តល់ការគាំទ្រប្រកបដោយគំនិតច្នៃប្រឌិត ចំគោលដៅ និងងាយស្រួលអនុវត្ត ទៅដល់សហគមនានា ។ សម្រាប់ព័ត៌មានបន្ថែម សូមចូលទៅកាន់វែបសាយត៍ www.prudencefoundation.com

អំពីអង្គការ ភ្លេនអន្តរជាតិ ដោយបានបង្កើតឡើងជិត ៨០ឆ្នាំមុន អង្គការភ្លេនអន្តរជាតិ គឺជាអង្គការលើកកម្ពស់ការអភិវឌ្ឍកុមារដ៏ចំណាស់ជាងគេបំផុតមួយ និងធំបំផុតមួយនៅលើពិភពលោក ។ យើងធ្វើការនៅក្នុងប្រទេសកំពុងអភិវឌ្ឍចំនួន ៥០ នៅក្នុងទ្វីបអាហ្រិក អាស៊ី និងអាមេរិក ដើម្បីលើកកម្ពស់សិទ្ធិកុមារ និងលើកស្ទួយកុមាររាប់លាននាក់ ឲ្យងើបផុតពីភាពក្រីក្រ ។ ក្នុងនាមជាអង្គការឯករាជ្យ មិនពាក់ព័ន្ធនឹងសាសនា នយោបាយ និងរដ្ឋាភិបាល (www.plan-international.org) អង្គការភ្លេនអន្តរជាតិ ព្យាយាមបង្កើតពិភពលោកមួយដែលសិទ្ធិកុមារត្រូវបានលើកកម្ពស់ ហើយក្មេងស្រីទទួលសិទ្ធិស្មើគ្នានឹងក្មេងប្រុសដែរ ។ នៅក្នុងប្រទេសកម្ពុជា បច្ចុប្បន្នអង្គការភ្លេនអន្តរជាតិលើកស្ទួយកុមារ និងក្រុមគ្រួសាររបស់ពួកគាត់ សរុបជាង៥សែននាក់ តាមរយៈសកម្មភាពកម្មវិធីដ៏ច្រើនរបស់យើង ពាក់ព័ន្ធនឹងការអប់រំមូលដ្ឋាន ការការពារកុមារ ទឹកស្អាត និងអនាម័យដើម្បីសុខភាពកុមារ លើកកម្ពស់អាហារូបត្ថម្ភ និងការថែទាំសុខភាពមូលដ្ឋាន ការកែលម្អសុវត្ថិភាពហិរញ្ញវត្ថុគ្រួសារ ការទប់ស្កាត់គ្រោះមហន្តរាយ និងអភិបាលកិច្ចល្អ ។ (www.plan-cambodia / www.facebook.com/PlanCambodia/)

cha-ching (4)
cha-ching (1)
cha-ching (3)